´s jüngste Gricht

Und a den Tag soids auakemma, woicha Kurzgschicht de Allabessa is.

Soids de Lustiga sa, woiche d´Leid ausm Alltag hoit und se jeda grad so abhaut,

oda soids de Trauriga sei, de uns an Hädan berührt?

Soids a nachdenkliche Gschicht sa,  da ma unsane Gedanga ordnen kinnand, oda soids de sa, de uns

untahoit?

Soids de Kurze sa, de scho nah drei Sätz afn Punkt kimmt, oda de, de seitnweis kurzweili gschriem

is? Soids de Kurzgschicht sa, de an ganz neichn Gedanga spinnt, oda doh de, de alte Gedanga

afgreift, wei mas nu oiwei ned begriffm hamd?

Soids de sa, de fehlerfrei gschriem won is, oda ghert ned öfta a Fehler a dazua?

Soid de Gschicht an mehran Anerkennung vadeana, de de schena Wortmelodie enthoit, oda

derf a Gschicht ned a moi hoipern, so wia unsa Lebm?

So vaschiedn und doh so wertvoi!

Guad, da des ned ih entscheidn mua!

Und a den Tag soids aussakemma, woicha Mensch se an Himme vadeant hat.

Soids da Lustiga sa, der ned oiwei ois so ernst nimmt? Oda soids ebba da Trauriga sa, wei er den

ganzn Ernst an Lebm begriffn hat? Oda soid da Herrgott, den nehma, der nahdenkli und bescheidn

is?

Soids da Junge mitn kurzn Lebn sa, wei er zweng Zeit af Erdn ghabt hat, oda de Alte, de mid Miah

und Plag ihr ganz Lebm gschufft hat?

Soids derjenige sa, der mal an neichn  Gedanga  nahgeifert is und dran gscheitert is, oda der, der

ohne nahdenga oiwei so glebt hat, wia d´Generationen  vo seina.  Soids der sa, der nia a Sünd

beganga hat, oda han ma boarmherzi gegnüba den,  der seine Fehler eigsegn hat?

Soids der mitn greßan  Talent an Himme schaffm, oda der, der aus seinign kloan Talent was draus

gmacht hat?

So vaschiedn und doh so wertvoi !

Guad, dass des ned ih entscheidn mua!